سەرۆکێ زانکۆیا زاخۆ سەرەدانا قوتابییەکا کۆلیژا پەروەردا بنیات دکەت

ب مەرەما ژ نێزیک ئاگەهداربوون ژ ڕەوشا ساخلەمیا وێ و دەربڕینا هەڤسۆزی و پشتەڤانیێ، ڕۆژا سێشەمبێ، ڕێکەفتی (١٧ـی نۆڤەمبەر ٢٠٢٦)، ڕێزدار (پ.د. دیار عبدالکریم سعید)، سەرۆکێ زانکۆیا زاخۆ، ب هەڤالینیا بەرێز (نزار احمی)، بەرپرسێ لیژنا ناوچا زانین و بەرێز (مێهڤان عادل) بەرپرسێ لقا دەوربەرێن زاخۆ یا (ئ.ق.ل.د.ك) و شاندەکێ هەڤپشکێ زانکۆیێ، سەرەدانا قوتابیا خۆ یا ل کۆلیژا پەروەردا بنیات کر، کو پشتی تووشی ڕویدانەکا هاتنوچوونێ ل سەر ڕێکا زانکۆیێ بووی.
د ڤێ سەرەدانێ دا، سەرۆکێ زانکۆیێ هیڤیێن زوو چێبوون و ساخلەمیا تەمام بۆ وێ قوتابیا هێژا خواست، هەروەسا هەستیێن خۆ یێن مروڤایەتی و بەرپرسیارەتیێ ل بەرامبەر خێزانێ دیارکرن. ناڤهاتی هەمی ئامادەییا زانکۆیا زاخۆ و ئیدارەیا وێ بۆ پێشکێشکرنا هەر هاریکاری و پشتەڤانییەکا پێدڤی دەربڕی، دا کو ئەڤ باردۆخە ب سلامەتی بهێتە تێپەڕاندن و ب زووترین دەم ڤەگەڕیتەڤە ناڤ حەژێکرنا خواندنێ و هەڤالێن خۆ.
ژ لایێ خۆ ڤە، خێزان و کەسکارێن قوتابیێ سوپاس و پێزانینێن خۆ ئاراستەی سەرۆکێ زانکۆیێ و شاندێ لگەل کر، بۆ ڤی هەلویستێ مروڤایەتی و ئەکادیمی یێ بلند،کو مەزنترین کاریگەری ل سەر ڕەوشا دەروونی یا قوتابیێ و خێزانا وێ هەبوو.

2026/11/17 01:47 PM 247